【曼谷交通2020】泰國機場捷運再延伸！曼谷去芭堤雅只需45分鐘　最快2023年正式投入服務

曼谷對香港人嚟講一啲都唔陌生，有啲人仲可能一年去幾次一就好似返鄉下咁添！

早前泰國宣佈將會興建橫跨馬來西亞、新加坡、越南等多個國家嘅高速鐵路之後，最近又有好消息宣佈喇～

成日去曼谷玩嘅大家都知道，如果搭穿梭巴士來往蘇凡納布國際機場（Suvarnabhumi Airport）同廊曼國際機場（Don Mueang Airport），喺繁忙時間可能需要花上一小時或以上嘅時間。

Photo from eeco.or.th

不過遲啲唔使喇！因為依家嘅機場捷運（Airport Rail Link）路線將會再延伸，路線將會由廊曼國際機場站開始，終點將會延伸至烏達堡國際機場，途經邦蘇、目甲訕、蘇凡納布國際機場、差春騷、春武里、芭堤雅6個主要地點，全長220公里。

Photo from eeco.or.th

機場捷運延伸後，來往曼谷兩個機場就唔止可以縮短20分鐘嘅交通時間至，仲可以減少路面嘅車流量，減少塞車嘅問題。

Photo from shutterstock

另外，路線嘅延伸仲包括泰國東部3個熱門嘅人氣地點，方便旅客可以一次過玩晒多個地方，以曼谷去芭堤雅為例，搭車最快都要1個半小時，但喺延伸後，搭機場捷運到芭堤雅則只需要45分鐘就可以到達，足足快咗近一半時間呀～

Photo from Presslogic

而新嘅延伸路線最近可將於2023年正式全面投入服務。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）